كيفيه صلاه العيد

ابدأ كلامي بذكر اسم الله و اصلي على حبيب الله وحبيبي و حبيبكم رسول الله محمد صلوات الله وسلامه عليه وعلى اله و صحبه اجمعين

_______________

ازيكوا يا شباب وبنات خطوة الالتزام ؟؟

يا رب كلكوا تكونوا بخير و مبسوطين

احب اهينكوا الأول بالعيد و اقولوكوا كل سنه و انتو طيبين

تاني حاجه و هو موضوعنا

جبتلكوا الحمد لله كل المعلومات اللي ممكن تحتاجوها بخصوص عيد الأضحى يارب
تكون مفيده و تجاوبلكوا على اي استفسار عندكوا و لو فيه حد حابب يسأل في اي
حاجه مش موجوده يقول بس واحنا تحت امره

________________

لخصتلكوا اداب صلاة العيد وواجباتها في اربع اسئله اتمنى تفيدكوا وتجاوبلكوا عن أي استفسار

_-_-_-_-_-_-_-_-_-_-_-_-_-_-_-_-_-_-_-_-_-_-_-_

السؤال الأول

ايه هو حكم صلاة العيد سواء عيد الفطر او عيد الأضحى ؟

صلاة العيدين سنه مؤكده يعني زي الواجب

__________________

السؤال التاني

طيب ايه هي الاداب او الحجات اللي يستحب اننا نعملها في اليوم ده ؟

الحجات اللي يفضل اننا نعملها في اليوم ده كالاتي :

1- حضرتك حتقوم الصبح بدري قبل الصلاه و تغتسل و تلبس احلى حاجه عندك و
تتبرفن زي ما قال سيدنا انس رضي الله عنه: أمرنا رسول الله صلى الله عليه
وسلم في العيدين أن نلبس أجود ما نجد، وأن نتطيب بأجود ما نجد، وأن نضحي
بأثمن ما نجد، وكان رسول الله صلى الله عليه وسلم يلبس بردة حبرة في كل عيد

2-تفطر قبل ما تطلع من بيتك زي ما حبيبك النبي صلى الله عليه و سلم كان
بيعمل لقول بريدة رضي الله عنه: "كان النبي صلى الله عليه وسلم لا يغدو يوم
الفطر حتى يأكل، ولا يأكل يوم الأضحى حتى يرجع فيأكل من أضحيته

3-التكبير من بداية ايام العشره ذي الحجه لقوله جل في علاه "ولتكبروا الله على ما هداكم

4-تروح للمسجد من طريق وترجع من طريق تاني لان الرسول صلى الله عليه وسلم
كان بيعمل كده لقول جابر: كان النبي صلى الله عليه وسلم إذا كان يوم عيد
خالف الطريق.

5-هني اهلك و قرايبك و اصحابك و حتى الناس اللي متعرفهاش هنيهم في المسجد قبل او بعد الصلى

حلو اوي لما تسلم على الناس كده و تهنيهم لان فيها حب و اخوه و فرحه

6-بلاش نسرف في أي حاجه من اكل و شرب بلاش نعصي ربنا واحنا بنتفسح افرح و
انبسط و اخرج بس متنساش ربنا و اقرأ كلام حبيبك تاني عليه الصلاة والسلام
وهو بيقول عن عيد الأضحى: "أيام التشريق أيام أكل وشرب وذكر الله عز وجل

________________________

السؤال التالت

طيب ازاي صلاة العيد بتتصلى ؟؟

هي عباره عن صلاه من غير اذان و لا اقامه ركعتين بس , في الركعه الاولى
الامام بيكبر 7 تكبيرات و هي تكبيرات الاحرام و الناس بتكبر وراه بعد كل
تكبيره و بعدين يقرأ سورة الفاتحه و الأعلى جهرا" ,, اما الركعه التانيه
فالامام بيكبر 6 تكبيرات و يقرأ سورة الفاتحه و الغاشيه , و بعد ما بيسلم
بيقول خطبه , و مفيش بعد صلاة العيد و لا قبلها سنه الا طبعا صلاة تحية
المسجد

____________________

السؤال الرابع

طب واللي يروح المسجد متأخر وميلحقش صلاة العيد يعمل ايه ؟؟

اللي تروح عليه الصلى كلها يصليها اربع ركعات اما اللي تفوته منها أي ركعه
يستنى بعد ما الامام يسلم و يقوم هو يكمل اللي فاته لقول ابن مسعود رضي
الله عنه: "من فاته صلاة العيد فليصل أربعا" وأما من أدرك منها شيئا مع
الإمام ولو التشهد فإنه يقوم بعد صلاة الإمام فيصليها ركعتين كما فاتته
سواء بسواء

______________________________

منقول من اسلام اون لاين __ بس تم تحويله لللهجه العاميه (وشكر خاص لباشمهندس علاء صاحب الموضوع )

الله ينور يا باشمهندس