طفل يتيم من بلدنا السوالم سا لته انت بتحبنى قالى بنحبحك خالص يابا
ابراهيم قلت له قدايه قالى قد اللحمه تخيلت انه بعت للحمه
جواب وكتبت رساله من طفل يتيم الى كل حتة لحم على ارض مصرنا
الكريمه هل تقبلينى
يا كل اللى باعت لك تحيه
تحيه بشوقى ومن كل قلبى
تحيه لحبى اللى كان والاخير
تحية محبه يا اغلى ما عندى
ياعمرى وحياتى وحبى الكبير
وانا اما بحبك بحب بضمير
واحب انى اشوفك فى مطبخنا دايما
وفى الحله دايما
بحبك فى رسمك
ولحظة ما اشمك
اشمك واحس ان شمك لطيف
وبنسى انى عايش زمان كله زيف
فى لحظة لقاكى بلا الربيع
فى لحظة فراقك بعيش الخريف
بحبك وجيبى دا ابيض نضيف
ودارى دى اوضه ومقع ظريف
وعندى قيراطينى يجيبولى الرغيف
وابويا اللى فاتنى قاعدلك سنين
برغم ان كان الحقيقه عفيف
وانا اللى بحبك مسفلك نحيف
فهل تقبلينى
سلامى لعرق الفلتو الجميل
وللى الاخت ضلعه وللاخ ديل
وللكرشه احلى واجمل كلام
وللفشه للكبده تعظيم سلام
وقولى لحبايبى بحب التقيهم
واشوفهم فى واعيش بين ايديهم
واحمر واشمر واقربنى ليهم
واكيد اللى رايح واكيد اللى جاى
واحلم وانك واهلك حداى
ماهش م السوالم دى جت من ايتاى
واغمض وافتح الاقينى راقد
اقوم ع المقدد واحلى بشاى
من ديوان الاصل انا ابراهيم البستاوى
الأحد ديسمبر 11, 2016 7:34 am من طرف اكاديمية المساحة والتدريب
اليومية
