تحية حب واعزاز لاهلى واقاربى واحبائى واصدقائى بقرية السوالم بحرى ......استكمالا لقصيدة يامه السوالم.....
وحشنى جرنك وقشك
والعيش مقدد ومشك
وانت الاميره فى عشك
وحشنى رز البرايم
يا رايقه والقلب رايق
والعيش بملح اللى دايم
وحشنى عيشك وملحك
فجلك وخصك وبلحك
والبد فى حضنك واصا لحك
للغيبه والبعد عنك
يامايتى فاكرك وشاكرك
والله قلبى ما نكرك
ع المصطبه طل قمرك
والطل نازل علينا
سهرنا وعشقنا قمرك
ولقينا قلبك سفينه
يوم الخميس ترسى بينا
وتلمى كل الاحبه
ياما يتى وايدك ف ايدينا
ياغاليه والاسم غالى
لمى الطبالى ونادينا
يوم الخميس يبقى عيدنا
والفرحه لاهلك وناسك
رز البرايم معمر
والطير محمر مشمر
الله على طفولتى فيكى
وانا كنت عيل صغير بقلع شقايا واغير
وانسى المتاعب فى حجرك
وف جرنك العب واصفر
واحكى لصحابى الحكاوى
لجمال مع الدلهماوى
وامين وصبحى وحماده
وحسن صديق الطفوله
وبهاء ورافت بطوله
ما انساش محمد حماده
يابلدنا حبك زياده
ياكبيره فى كل حاجه
والاولى فن ورياده
الله على ايامك انت وع السا عا ت الجميله
بعدها بالثوانى
عدت يابو احمد قليله
وكنت عارف يا صاحبى بانها مش طويله
وراح تعدى وافوتك
وحشنى صوتها وصوتك
ووحشنى نرجع يا بو احمد
ونقسم اللقمه بينا
ونقسم الحب بينا
وحشنى نزرع ونجمع
والارض تروى بعرقنا
الا انت فاكر ياطلعت والحب تالت صديقنا
داركوا القديمه اللى تشهد
والسهره تحلى فى دارنا
وابو زاكى لما يزورنا
نفرش على الارض شوقنا
وعند دار عمى حلمى
وحشنى حلمى ابن عمى
وعلاقتى بيه الاصيله
يامه لمنا بالمحبه
وما شفته مره استخبى
واهو يامه عبى وسقانا
ما ادارى مره وما خبى
تقدر تقول هوه عيلتى
وهوه اهلى وقبيلتى
ودمه يجرى ف عروقى
واصله حبى وشوقى دا
ريحته ريحة ابويا و
وصديقى هوة واخويا
كيف مانت اخويا وحبيبى
نستكمل عن قريب ما تبقى من هذه الملحمه ملحمة الحب لاهلى ولتراب هذه البلده.. ابراهيم البستاوى..
الأحد ديسمبر 11, 2016 7:34 am من طرف اكاديمية المساحة والتدريب
اليومية
